إلْفوندو / طنجة
تْبكي عليكم يْمّاكم أحسن ما تبكي عليا يْمّا..هكذا خاطبت الباشا حورية اعوان السلطة بأصيلة..
حالة من القلق والتوتر يعيشها أعوان ورجال السلطة بمدينة أصيلة، فور تعيين “حورية” باشا للمدينة بشكل رسمي، خلفا لحاتم عاشور الذي تم تنصيبه كباشا بمدينة الدريوش.
ففور حضورها في حفل تنصيب رجال السلطة بمقر ولاية جهة طنجة تطوان الحسيمة، وهو الحفل الذي أشرف عليه والي جهة طنجة تطوان الحسيمة “محمد المهيدية”، باشا حورية، بينت الحداكة ديالها وخرجت للأحياء لي فيها البناء العشوائي مثل “مرغوبة وبكونون وغدير الكناوي وسقاية…”, وصورت الوضعية ديال العقار باش تحمي راسها، خصوصا بعد خطاب الوالي لي حمّْل مسؤولية ديال البناء العشوائي لرجال السلطة، وأيضا حيث أصيلة كتعتبر معقل للبناء العشوائي.
الباشا حورية عارفة راسها مع من كتعامل، وعارفة أنا أزيلا أو أصيلة مقبرة ديال رجال السلطة، هذا علاش جمعت أعوان السلطة وجبدت ليهم وذنبهم مْزيان وخلعتهم بزاف ماشي شوية.
مصادر “إلْفوندو“، أكدت أنا باشا حورية قالت في اجتماع لحضر فيه أعوان السلطة كاملين، أنا أصيلة كتعاني من البناء العشوائي، وأن لفات فعهد لسبقوها مات، ولكن من نهار لوليت فيه باشا على أصيلة أي بناء عشوائي طلع نتوما لمسؤوليين، وقالت لهم بالحرف “تبكي عليكم يماكم أحسن ما تبكي عليا يما”.
دابا كولشي خايف وداخل جواه، لدرجة أن كل أعوان السلطة بأصيلة أصبح يخاف من العزل أو من العقوبات التي يمكن أن تطالهم، في حالة غضب المسؤولة الأولى بالمدينة.
