إلْفوندو / أبو نهى
طرشة وشْمن طرشة كْلاها عدد من السياسيين المنتمين لأحزاب الأغلبية بمجلس جماعة طنجة، ورجعو ضُحكة فنظر الساكنة، هدشي كامل بسبب محمد الشرقاوي لي فاز اليوم الأربعاء بمنصب نائب عمدة المدينة، وزول هاد المقعد من فُم المنافس ديالو عبد الواحد بولعيش المنتمي لحزب الحمامة، وخا بولعيش معه فالصف ديالو أحزاب الأغلبية، إلا أن الشرقاوي كانو وراء غير ذيوبا دسياسة وعرفو من أين تؤكل الكتف، واستطاعو يستدرجو اعضاء من الأغلبية وكولسوا معهم مزياااان، كاين لي غاب وكاين لي جا وامتنع عن التصويت، وكاين لي جا وصوت بوجهو ضد التحالف، وقالوم أعلى ما فخيلكم ركبوه.
الشرقاوي والمعارضة حققوا نصر مبين على العمدة واحزاب التحالف في سابقة المجالس المنتخبة، المثير هو أن هاد الدورة كانت مبرحمة فيها التصويت على الميزانية، لي ملنت غادي تسقط لولا أن العمدة وشي حْباب بداو كٍرغبو ويْزاوكوا فالشرقاوي وناس المعارضة بعد انسحاب أعضاء الأغلبية من القاعة وخلاو العمدة وحده في مواجهة المعارضة!.
المهم السؤال المطروح علاش قدروا يخترقوا اعضاء فالأغلبية، وشنو المقابل واش مادي وماش معنوي واش مصلحة خاصة متبادلة..، الحاصول آسي العمدة راك مدور غير بالخاوي، العامر ها انت شفتيه عند من.
