إلْفوندو / القصر الكبير
فْالوقت لي ساكنة حي ولاد حمايد بالقصر الكبير كتعاني ففصل الشتاء خصوصا ملي كتطيح الشْتا، لأن الطرقات والشوارع والأزقة كلها مْحفرة وحتى مجاري المياه مكايناش والدنيا كتغرق، السيد رئيس الجماعة محمد السيمو، يقضي وقته فالمٌباشر “اللايْف” على صفحته الفيسبوكية، كقول يتواصل مع الساكنة، واكن الحقيقة أنه كرد على خصومه في المعارضة، والساكنة لي كتنتقدو على التهاون ديالو فتدبير شؤون المدينة.
احد سكان الحي، قال أن السيمو استغلهوم قبل الإنتخابات وقاليهم أن الحي سيشمله اصلاحات جذرية ووووو، وبعدما صوتوا عليه بْداو كِشوفوه غير فالفيسبوك.
السيمو بارع فقط في التطبيل والتهليل لرئيس الحكومة أخنوش، أمّا خدمة المْدينة غير هواية فالأجندة ديالو، كِقول واحد الجمعوي.
