إلْفوندو / تِطاون
باقي واقعة اعتقال 2 ديال نواب رئيس جماعة تطوان وايداعهم في السجن، ترخي بضلالها على أحاديث المقاهي والمجالس العمومية والصالونات السياسية فْتِطاون، حِيث ماشي ساهلة على رئيس الجماعة مصطفى البكوري يكونوا 2 من النواب ديالك فالحبس، لأن صورة المنتخب والمكتب المسير كتبهدل.
واعتقلت السلطات القضائية نائب البكوروي الأستاذ الجامعي “انس اليملاحي” متورط فملف التوظيف مقابل المال، وقبل أيام، اعتقلت المصالح الأمنية بتطوان نائب أخر للرئيس وهو مدير بنك المدعو “دانيال زيوزيو”، بتهمة اختلاس مبالغ كْبيرة فاقت 5 ملايير.
تطواني غيور على مدينته، قال: واش هذا مكتب مسير غادي يْدافع على مصالح الساكنة والمدينة، راه عْلاين نسمعو شي منتخبين اخرين دخلوا للحبس عاود!، كيفاش بغيتو المواطنين يتيقو فالمنتخبين والسياسيين وهما عندهم سوابق قضائية فالنصب والاحتيال والسرقة ووو.
آذان إلْفوندو، سمعت أن رئيس جماعة تطوان مصطفى البكوري، تْحرج بزاف مع سلطات المدينة، وخايْف من ردة فعل السيد عامل الإقليم تْكون سلبية على المكتب المسير، ويْتعامل بنظرة دونية وناقصة معهم.
