إلْفوندو / أبو نهى
بعد ما كان كلشي بمن فيهم السياسيين والمنتخبين ورجال المال والعقار يظهر لهم أن والي جهة الشمال يونس التازي حَشّومي وما فاهم والو شنو داير فالمدينة، فاجئهم يوم أمس الاثنين فْدورة مجلس الجهة الذي يرأسه عمر مورو، وعطا العصير فالبرميل، للسياسيين والمنتخبين وقالهم خْدموا وكفى من اللعب وباركا من التشويش وأنا عارف شنو كاين وشنو كَتْكولسو، وباراكا ما تخلصو المواقع باش تْكتب ضدي، راه والله ما كَنْديها فْداكشي لي كتكتب حيث المواطن عارف ما يدور، وماغدييشي تلوّيو لي يدي، راه حنا خدامين بالتوجه ديالنا لخدمة الصالح العام كاشي لخدمة الصالح الخاص، وسنطبق القانون على الجميع.
مداخلة الوالي بونس التازي خلقت رجّة فالمشهد السياسي فطنجة، وجهة حزبية معينة فهمت أن الخطاب موجه لها، ما نتج ارتباك شديد واجتماع مغلق بين قيادات هذا الحزب، وااا الخلعة طلقي مني، لأن غضبة الوالي التازي كتخلع، على قياس المثل الشعبي:” خاف من السكوتي إ ذا هضر”.
قيادية فحزب يساري رفضت الكشف عن هويتها، قالت أن الوالي التازي يشتغل بحكمة ورزانة، ولكن هناك من يروج المغالطات والاشاعات ويحرض ضده، لأن مصالحهم تضررت، وباغيين بالدارجة يسيطروا على المدينة، ولكن هيهات منا الذلة، الحمد لله كاين مؤسسات الدولة مفتوحة فوجه الجميع وليس محفظة فإسم أحد.
