إلْفوندو / الناظور
السلطات المحلية فبني شيكر، بإقليم الناظور، وبالتنسيق مع الدرك الملكي والقوات المساعدة، قدرو مؤخرا يحبطو محاولة للحْريك من واحد الشاطئ اللي تابع للجماعة.
هاد العملية جات فإطار تشديد المراقبة ورفع حالة التأهب مع اقتراب رأس العام الميلادي الجديد،وقْدرات السلطات توقف 40 حرّاكْ كانوا ناويين يهاجرو بطريقة غير قانونية عبر البحر فالاتجاه ديال جنوب إسبانيا.
الموقوفين دابا كيدوزو التحقيق القضائي تحت إشراف النيابة العامة باش يتعرفو على كل الملابسات ديال القضية، ويكشفو على الشبكة اللي ممكن تكون منظمة هاد العملية، ومازال التحريات كملية باش يجبدو باقي الخيوط.
