إلْفوندو / الرباط
المديرية العامة ديال الأرصاد الجوية علنات بأنه غادي تكون زخات رعدية قوية وتساقطات ثلجية فالمرتفعات اللي كتفوت 1700 متر، وغادي تشمل بزاف ديال المناطق فالمغرب يوم الأحد والإثنين.
فبلاغ إنذاري من مستوى يقظة “برتقالي”، قالت المديرية باللي الزخات الرعدية القوية، اللي كتوصل ما بين 40 و60 ملم، غادي تهم أقاليم طنجة-أصيلة، العرائش، المضيق-الفنيدق، تطوان، وزان، فحص-أنجرة، شفشاون، تاونات، سيدي قاسم والقنيطرة، ابتداء من نهار الأحد مع الستة ديال العشية حتى لنهار الإثنين مع الربعة ديال العشية.
بالنسبة للتساقطات الثلجية، من المتوقع تكون ما بين 15 حتى لـ30 سم فالمرتفعات اللي كتفوت 1700 متر، وغادي تشمل أقاليم شفشاون، أزيلال، إفران، ميدلت، بولمان، صفرو، والحسيمة، وهادشي نهار الاثنين.
