إلْفوندو / المغرب
بْزاف ديال المؤثرين دْخلو فعمليات التسوية الطوعية ديال الضرائب وتسوية الممتلكات اللي عندهم فالخارج، العملية الأولى موجهة للناس اللي ما كيصرحوش بالمداخيل ديالهم والممتلكات اللي عندهم، والثانية كتهم اللي عندهم ممتلكات فالخارج وما صرحوش بيها عند الضرائب أو مكتب الصرف.
مصادر قالت أن شي مؤثرين توصلو بإشعارات من إدارة الضرائب ومكتب الصرف حيت ما كيخلصوش الضرائب على المداخيل ديالهم، اللي بعض المرات كتوصل لـ 2 مليون درهم فالسنة، وكان عليهم يخلصو عليها 38%، ولكن التسوية الحالية خلاتهم يخلصو غير 5%.
كاينين حتى اللي عندهم ممتلكات فالخارج كتفوت 500 مليون درهم، ومع ذلك ما صرحوش بيها، وشي مؤثرين ما عارفينش الإجراءات اللي خاصهم يديرو، وشي آخرين كيهربو من الضرائب.ك، بْزاف منهم مشاو عند مكاتب استشارية باش يعاونوهم فالتصريحات ويكملو المساطر القانونية.
البنوك ديالها ملزمة بالكتمان، يعني كترسل غير معلومات عامة على الفلوس والممتلكات بدون ما تبين شكون صاحب التصريح، وكلشي كيدوز حسب القوانين ديال الصرف والضرائب.
