إلْفوندو / الرباط
المندوبية العامة لإدارة السجون وإعادة الإدماج قالت اليوم الجمعة على تسجيل 47 حالة إصابة بداء الحصبة “بوحمرون” فـ9 ديال المؤسسات السجنية، من هاد الحالات، 7 تماثلو للشفاء، وبقاو 40 حالة، منهم 38 فالعزل الطبي وجوج كيتعالجو فالمستشفى العمومي.
الحالات موزعة هكا: 16 حالة فالسجن المحلي طنجة 2، 9 حالات فالسجن المحلي بالمحمدية، 7 حالات فالسجن المحلي عين البرجة، وزيد عليها جوج حالات فالسجن المركزي بالقنيطرة والسجن المحلي بوركايز بفاس، وحالة وحدة فكل من السجون ديال بوعرفة، قلعة السراغنة، بنسليمان، وتطوان.
وتم تسجيل حتى 5 موظفين مصابين، واحد منهم برا، والباقي كيتبعو العلاج حسب البروتوكول الصحي.
المندوبية قالت بلي 3788 نزيل و84 موظف دارو التلقيح بشكل طوعي تحت إشراف قطاع الصحة، وكْذبت المندوبية بلي الجهود مازال مستمرة مع الوزارة الوصية باش يحدو من انتشار هاد الداء ويحافظو على سلامة النزلاء والموظفين.
