إلْفوندو / تطوان
عناصر تابعة للدرك الملكي اوقفت ليلة يوم الخميس 16 يناير واحد الدركي ثاني متورط فـ تسهيل عملية تهريب الحشيش من مطار سانية الرمل فـ تطوان.
وحسب ما كاين، التحقيقات والبحث لي داروه مصالح الدرك الملكي وصلو بيهم لمكان الدركي هاداك، وباشرو عملية مداهمة فْواحد الدار فمدينة مارتيل، وها هما شدّوه.
الدركيين لي تعتقلو تحطو تحت الحراسة النظرية باش يزيدو يحققو معاهم، وكلشي تحت تعليمات النيابة العامة.
وكانت الفرقة الوطنية للأبحاث القضائية ديال الدرك الملكي فـ الرباط بدات تحقيق معمق باش يعرفو شنو وقع بالضبط. هاد الشي بدا ملي السلطات الهولندية لقات جوج دْيال صيكانْ معمرين بالحشيش فمطار شخيپول فْأمستردام، وكانو جايين من مطار سانية الرمل فْتطوان فطيارة ديال شركة طيران عربية.
ملي عرفات السلطات المغربية بالواقعة، صافي عملو استنفار كبير فمطار سانية الرمل بتطوان، وبدات القصة ديال التحقيقات لي وصلات لهاد التوقيفات.
