إلْفوندو / الرباط
المغرب دخل اليوم رسميا عهد الجيل الخامس فالاتصالات، بعدما أعلنت شركات “اتصالات المغرب” و”أورنج” و”إنوي” إطلاق خدمة 5G فالمملكة.
هاد التقنية الجديدة كتمنح سرعة أنترنيت كتوصل حتى لـ2 جيغا فالثانية، وغادي تبدا فالمدن الكبرى قبل ما توصل تدريجيا لباقي المناطق.
“اتصالات المغرب” قالت أن الشبكة ديالها واجدة، و”أورنج” أعلنت أن حوالي مية مدينة ولات فيها التغطية، بينما “إنوي” وفرت الخدمة فورا وبدون كلفة إضافية.
هاد الخطوة جات بعد المصادقة الحكومية على التراخيص القانونية، وطرحات الشركات عروض جديدة للزبناء الأفراد والمقاولات، مع أجهزة وأنترنت منزلي سريع وخدمات ذكية فمجالات التعليم، التطبيب، والصناعة الرقمية.
بهذا الإنجاز، المغرب كيدخل مرحلة جديدة فالعصر الرقمي بسرعات ما كانتش متوفرة من قبل.
