إلْفوندو / طنجة
قرر قاضي التحقيق فمحكمة الاستئناف بطنجة، نهار السبت 15 نونبر، يْتابع والدة التيكتوكر آدم بنشقرون فحالة اعتقال، ويدخلها للسجن المحلي فأصيلة، وآدم فسجن طنجة 2 بعدما توجهات ليها تهم ثقيلة اللي فحال تحكمها توصل حتى لـ 30 عام ديال الحبس نافذ.
القرار جا بعد جلسة حضر فيها آدم وموّ، وتفرقات فيها الملفات ديالهم، الأم غادي تتحاكم قدّام غرفة الجنايات، بينما ولدها تحال على المحكمة الابتدائية ويتابع فملفات جنحية.
الأم كتواجه لائحة تهم خطيرة، من بينها جناية الاتجار فالبشر عن طريق الاستغلال الجنسي ودعارة الغير، واستغلال مواد إباحية عبر وسائل التواصل، وهاد الشي كيتعتبر عابر للحدود وزيد عليها أنها من الأصول.
وحتى المشاركة فصنع وبيع وحيازة مواد إباحية فيها مشاهد جنسية كيضرّو بالأطفال ديالها، وزيد نشر ادعاءات كاذبة باش تمس الحياة الخاصة ديال الناس وتشهر بهم، والإخلال بالحياء العام بالعري المتعمد، والسباب والقذف، وحتى العنف.
أما آدم، فتقرر يتابعوه فحالة سراح قدّام المحكمة الابتدائية فطنجة، على تهم عندها علاقة بـ “الشذوذ الجنسي”، والإخلال العلني بالحياء، وصنع وإنتاج محتوى إباحي.
