إلْفوندو / الشاون
أعلنت وزارة التجهيز والماء على طلب عروض دولي باش يتبنى سد العناصر فباب برد بإقليم شفشاون، فخطوة اللي انتاظروها الساكنة ديال المنطقة بزاف باش يتحسن الوضع ديال الماء.
وحسب الإعلان الرسمي، غادي يتفتح الملف ديال العروض نهار 15 دجنبر 2025 فالرباط، وكلفة المشروع محددة فأكثر من 12 مليون درهم، مع ضمان مؤقت قيمتو 240 ألف درهم، والوزارة شددت على أن الملفات خاصها تكون مودعة إلكترونيا عبر بوابة الصفقات العمومية.
وغادي تكون حتى زيارة ميدانية لموقع السد نهار 8 دجنبر قدام الشركات اللي باغية تشارك فالمنافسة.
هاد التحرك جا بعدما منابر اعلامية سلطات الضوء على مطالب السكان اللي بغاو هاد السد يشوف الضوء، وهو اللي خلى الملف يرجع يتحرك رسميا.
المشروع كيعتابر مهم بزاف لشفشاون، وغادي يعاون فتعزيز الأمن المائي وتحسين تدبير الموارد فواحد المنطقة اللي كتعيش نقص ديال الماء بشكل مستمر.
