إلْفوندو / الرباط
أصدرت إدارة سجن العرجات 1 توضيح جديد بخصوص الكلام اللي تروج على حالة المحامي محمد زيان، واللي كيقول بلّي تدهورت صحتو حيت داخل فإضراب على الطعام، الإدارة نفت هاد الادعاءات كليا، ورجعات أكدت ما جا فبلاغ 24 نونبر اللي كيقول بلّي السجين ماشي مضرب وحالتو الصحية عادية.
البلاغ وضّح بلّي زيان ما قدّم حتى إشعار بالإضراب، وكيتوصل بوجباتو بشكل عادي، وزيد عليها كيشرّي المواد الغذائية ديالو من متجر السجن بلا ما يقطع.
وزاد نفس المصدر بلّي السجين صرّح لإدارة المؤسسة بأنو ما ناويش يدير أي إضراب على الطعام، وكيأكل اللي بغا من الوجبات المتوفرة، وكيعتبر الإضراب على الطعام تصرف ما كيتماشاش مع القناعات الدينية ديالو وكيعرّض الإنسان للتهلكة.
