إلْفوندو / تطوان
قالت مصادر متطابقة، أن مجلس جماعة تطوان اللي كيرأسو مصطفى البكوري غادي يعرض فجدول اعمال الدورة المقبلة نقطة باش يدعم فريق المغرب التطواني بحوالي مليار ونص موزعة على 3 سنوات، فخطوة كتهدف تخفف الازمة المالية اللي دازت على الفريق وخلاتو يهبط للقسم التاني.
كل فعاليات المدينة كتقلب باش تجمع السيولة اللي غادي تعاون الحمامة البيضا ترجع للقسم الاول وتسترجع مكانتها.
وفهاد السياق وْصلات أخبار لآذان إلْفوندو كتقول باللي تحرك بعض المنتخبين ورجال المال ماشي غير للدعم، ولكن حتى باش يسدو الباب قدام الحاج عبد المالك أبرون اللي سبق وعبر على رغبته يرجع يسير الفريق، ولكن بشرط يستاقل المكتب الحالي، وهو الشرط اللي ترفض من طرف هاد الفعاليات وحتى من جهات وصية.
