إلْفوندو / العرائش
قضات محكمة الاستئناف فطنجة، نهار الثلاثاء، ببراءة نائبة رئيس جماعة العرائش، هيام الكلاعي، من التهم ديال السب والقذف، بعدما طرّات مستجدات مهمة فالجلسات ديال المرحلة الاستئنافية.
الملف عمل منعطف كبير بعدما المشتكي خرج قدّام المحكمة وتنازل على الشكاية ديالو، وزاد قال باللي داكشي اللي تكتب فالتدوينات ما كيعنيهش وماشي موجّه ليه، هاد النقطة اعتبراتها الهيأة مؤثرة فجوهر الملف، وخلّات المتابعة تسقط.
المحكمة حكمات بشكل علني وحضوري، وقرّرات تلغي الحكم الابتدائي وتحكم من جديد ببراءة هيام الكلاعي، مع تحميل الخزينة العامة صائر الدعوى العمومية.
وفالدعوى المدنية التابعة، تقرّر حتى هي إلغاء الحكم السابق بسبب تنازل المشتكي، وبقات الصوائر على عاتقو.
