إلْفوندو / فاس
تزادت جمعية من مدينة فاس للائحة ديال الجهات اللي شكاو فالستريمر الياس المالكي، اللي كيتابع دابا قدام المحكمة الابتدائية فالجديدة فواحد الملف اللي فيه بزاف ديال التهم.
الجمعية نْزلت شكاية عند النيابة العامة بواسطة المحامي ديالها، وكتتهم المالكي بالتشهير والسب والقذف والعنف النفسي ضد مراة، وزادت عليهم التمييز والتحريض على الكراهية والاخلال العلني بالحياء العام.
فالشكاية ديالها، قالت الجمعية بللي المالكي كيبث فيديوهات مباشرة فيها اساءات خطيرة وضرب للقيم الاخلاقية، وكيشوفوها بزاف الناس ومنهم حتى القاصرين، الشي اللي كيمس بحق الاطفال فتنشئة سليمة وكيضر بالنظام العام الاخلاقي.
دفاع الجمعية طالب بمتابعته قانونيا واخذا بعين الاعتبار خطورة الافعال وسوابقه والاثر السلبي ديال المحتوى ديالو، وملتمس حتى تسد ليه القنوات الرقمية ويتحيدو الفيديوهات المسيئة.
