إلْفوندو / طنجة
عناصر الجمارك وبالتنسيق مع الامن الوطني فميناء طنجة المتوسط تْمكنوا صباح اليوم الخميس 25 دجنبر 2025، يحبطو محاولة كبيرة لتهريب اطنان ديال الحشيش نحو اسبانيا، بعدما عْثروا شاحنة ديال النقل الدولي مْعمرة بالحشيش ازيد من 8 طن من الحشيش.
العملية أسفرت على حجز كمية مهمة من الحشيشث كانت مخبية بعناية داخل المقطورة، فلفافات بلاستيكية، فمحاولة لتمويه المراقبة والتفتيش.
ومن بعد هاد الحجز، فتحت لاپيجي طنجة بحث تحت اشراف النيابة العامة باش يتحددو جميع الامتدادات ديال هاد العملية، والتعرف على المتورطين والشبكات المرتبطة بالتهريب الدولي للمخدرات، واللي كتقول مصادر خاصة أن شخص يدعى محمد من بلجيكا بمعية شريكين أخرين من طنجة هم أصحاب هاد العملية.
