إلْفوندو / المغرب
قالت المديرية العامة للأرصاد الجوية باللي كيتسناو هبات رياح قوية احيانا نهار الجمعة الجاي فعدد من مناطق المملكة، وجا هاد التحذير فإطار نشرة إنذارية بمستوى يقظة برتقالي.
وحسب نفس المصدر فالرياح غادي توصل سرعتها ما بين 90 و100 كيلومتر فالساعة فكل من الجديدة، آسفي، سيدي بنور، أزيلال، ميدلت، الحوز، شيشاوة، والصويرة، ابتداء من الثانية عشرة ونص دالليل حتى الحادية عشرة دالعشية.
وزادت المديرية باللي نفس الفترة غادي تعرف حتى هي هبات رياح اقل شوية، ما بين 75 و90 كيلومتر فالساعة، فمناطق اخرى بحال اليوسفية، برشيد، فكيك، جرادة، وجدة انجاد، تاوريرت، قلعة السراغنة، مراكش، الرحامنة، النواصر، الدار البيضاء، اكادير اداوتنان، شتوكة ايت باها، سيدي افني، وتارودانت.
