إلْفوندو / الجديدة
خرج الستريمر المعروف إلياس المالكي من السجن المحلي بالجديدة، ليلة الجمعة، بعدما تحولت العقوبة الحبسية ديالو لعقوبة بديلة، من بعد ما تحكم عليه بعشرة شهور حبس نافذ وغرامة قدرها 20 ألف درهم.
الإفراج جا من بعد ما خلص 15 مليون سنتيم، على حساب 500 درهم على كل نهار من العقوبة، وغادي يكون ملزم يدير أشغال ديال المنفعة العامة فالبستنة والنظافة بجماعة أولاد رحمون، دائرة أزمور، تحت إشراف الجهات المختصة.
المحكمة كانت دانتو بتهم التحريض، والقذف، والسب، والتشهير، وهو فالكلمة الأخيرة ديالو اعتذر على اللي دار، وقال باللي قرر يبعد نهائيا على مواقع التواصل الاجتماعي من بعد ما تسالي هاد القضية.
النيابة العامة كانت طالبت بحجب جميع المنصات الرقمية اللي كينشط فيها، حيت كتعتبرها فضاءات للتشهير بالناس، فحين دفاعو التمس البراءة بدعوى التقادم.
توقيف المالكي جا من بعد شكايات تقدمت بها هيئات نقابية ومدنية ديال سائقين الطاكسيات، على خلفية تصريحات منسوبة ليه واعتبروها مسيئة ليهم.
