إلْفوندو / القصر الكبير
كشفت مصادر مطلعة باللي سد وادي المخازن، اللي كيتعتبر اكبر سد فحوض اللوكوس، وصل صباح اليوم الثلاثاء لنسبة ملء 100 في المائة، بعدما استقبل كميات كبيرة ديال المياه فمدة قصيرة.
وحسب معطيات توصلات بها الجريدة، فالسد اللي كاين على بعد كيلومترات قليلة من القصر الكبير، دخل ليه حوالي 45 مليون متر مكعب ديال المياه فثلاثة ايام فقط، قرابة جوج الثلث منهم تسجلو فنهار واحد بسبب التساقطات الغزيرة.
وأكدات نفس المصادر باللي قناة الربط بين سد وادي المخازن وسد دار خروفة خدامة من ايام، وكتنقل كميات مهمة من مياه الشتا، ولكن الطاقة ديالها ما كافيةش باش تستوعب الحجم الكبير ديال المياه اللي ناتج على تواصل المنخفضات الجوية اللي عرفات المنطقة فهاد الاسابيع الاخيرة.
