إلْفوندو / المغرب
السواحل المغربية دخلات من نهار الخميس فحالة تأهب بسبب سوء الأحوال الجوية اللي غادي تبقى حتى لآخر الأسبوع، الشي اللي خلا السلطات تسد عدد من موانئ الصيد وتوقف نشاط البحارة وتمنع رسو السفن، خاصة فالسواحل الأطلسية من طنجة حتى أكادير وحتى فالسواحل المتوسطية.
وحسب مهنيي الصيد البحري، راه كاين تنسيق كبير بين قبطانيات الموانئ ومندوبيات الصيد باش توصل التحذيرات للبحارة قبل ما يخرجو للبحر، حيث متوقع أمواج قوية توصل حتى لستة أمتار ورياح قوية، وغادي تبقى هاد الحالة حتى نهار الأحد، وكل هاد الإجراءات غير باش تحافظ على سلامة الناس والمعدات.
