إلْفوندو / المغرب
استقبلات الوكالة الوطنية لتقنين الأنشطة المتعلقة بالقنب الهندي فبداية هاد الأسبوع وفد رسمي من غانا، جا فزيارة عمل باش يطلع على التجربة المغربية فتنظيم وتقنين القنب الهندي للاستعمالات المشروعة.
اللقاءات تركزات على الإطار القانوني والتنظيمي المعتمد فالمغرب، وكيفاش كيتدار التتبع والمراقبة، وطرق تثمين القنب الهندي ودمجو فمسارات إنتاج قانونية كتخلق قيمة مضافة.
الوفد الغاني بان عليه اهتمام كبير بتنظيم سلسلة القيمة، وبالعلاقة بين الفلاحين والمصنعين، فواحد التوازن بين التنمية المحلية واحترام القوانين.
البرنامج ديال الزيارة شمل حتى جولات تقنية لعدد من المؤسسات، من بينها الوكالة المغربية للأدوية، ووحدات صناعية وصيدلانية، باش يتعرفو على مساطر التسجيل ومعايير التصنيع، خصوصا فالاستعمالات الطبية.
ومن المرتقب تسالي الزيارة بلقاءات ميدانية مع فلاحين وتعاونيات ومهنيين فالقطاع، للاطلاع عن قرب على التجربة المغربية من الزراعة حتى تسويق المنتوج.
هاد الزيارة كتأكد الاهتمام المتزايد بالتجربة المغربية فمجال تقنين القنب الهندي، كنموذج كيهدف يقطع مع الاستعمال غير المشروع ويعزز التنمية فالجهات المعنية.
