إلْفوندو / طنجة
قررات المديرية الاقليمية ديال وزارة التربية الوطنية بطنجة اصيلة تعليق القراية نهار الاثنين 02 فبراير 2026، فـجميع المؤسسات التعليمية العمومية والخاصة، هاد القرار جا بسبب الاضطرابات الجوية القوية اللي متوقعة فالمنطقة.
وحسب المعطيات الرسمية، فهاد الخطوة جات تبعا للنشرة الانذارية ديال مديرية الارصاد الجوية، اللي كتحذر من تساقطات مطرية كثيفة ورياح قوية، الشي اللي يقدر يشكل خطر على سلامة التلميذات والتلاميذ وكذا الاطر التربوية والادارية.
المديرية وضحات باللي هاد القرار تخدا بتنسيق مع السلطات المحلية، وبناء على توصيات لجنة اليقظة الاقليمية، وهاد الشي كامل فإطار الحرص على سلامة الجميع.
وأكدات كذلك باللي استئناف القراية غيبقى مرتبط بتحسن الاحوال الجوية، مع تتبع مستمر للوضع واتخاذ القرارات المناسبة حسب تطورات الحالة المناخية.
