إلْفوندو / القصر الكبير
القصر الكبير دابا عايشة على وقع تطورات خطيرة، المدينة حابسة النفاس من أيام، وسط مخاوف كبيرة من سيول وفيضانات ممكن تضربها فاي لحظة، ومعطيات كتقول بلّي السلطات ولات كتفكر بجدية فإخلاء كامل للمدينة.
حسب مصادر محلية، السلطات داخلة فسباق مع الوقت باش تخرج الساكنة كاملة، حيث المخاطر اللي جاية ما معروفةش فين غتوصل، خصوصا مع الارتفاع ديال منسوب المياه والتقلبات اللي ما مطمناش.
المصادر نفسها أكدت بلّي الوضع ولى مقلق بزاف، وكاين احتمال كبير تغرق السيول بزاف ديال الأحياء، حتى اللي كانوا محسوبين آمنين ومرتفعة، وهاد الشي كيتتبع بدقة وعلى مستويات عليا
