إلْفوندو / القصر الكبير
القصر الكبير دابا عايشة على وقع وضع مقلق بسبب الفيضانات لي كترجع تقوى ساعة على ساعة، وحسب مصادر محلية من عين المكان، منسوب المياه راه كيطالع بشكل متواصل، خصوصا ف أحياء بحال عزبي الرفاعي والمرينة، وزاد ع ق ل الوضع تفريغ سد وادي المخازن ف وادي اللوكوس.
المصادر نفسها كتأكد باللي المدينة ولات كتعوم من الفوق ومن التحت، حيث بزاف ديال قنوات الصرف ما بقاتش قادرة تخرج المياه، خاصة ف الأحياء الواطية، بسبب الضغط الكبير لي ولى كيعرفو الوادي.
وحسب نفس المعطيات، الأمور مرشحة تزيد تعقد ف الساعات الجاية، حيت الشتا مازال طايحة ف المناطق لي كتصب ف السد، وهاد الشي كينذر بتوسع رقعة الغرق وارتفاع منسوب الخطر على الساكنة.
