إلْفوندو / هيئة التحرير
تعاودات، اليوم الاحد، حركة الملاحة البحرية بين ميناء الجزيرة الخضرا وميناء طنجة المتوسط، من بعدما كانت موقوفة شوية بسبب سوء الاحوال الجوية اللي عرفها مضيق جبل طارق.
هيئة ميناء خليج الجزيرة الخضرا قالت باللي الرحلات رجعات خدامة من الساعة الثامنة د الصباح، من بعد ما بدات الاحوال الجوية كتحسن تدريجيا.
وكانت العاصفة “مارتا” اللي دازت نهار السبت، وجابت معها رياح قوية وبحر مهيج بزاف، خلات السلطات توقف الرحلات البحرية احتياطيا على سلامة المسافرين والبواخر.
وبخصوص الخط البحري بين طريفة وطنجة المدينة، شركات الملاحة ناوية ترجع الرحلات مع عشية اليوم، إلا تأكد باللي ظروف الابحار بقات مزيانة.
