إلْفوندو / المغرب
اعلنت وزارة الانتقال الرقمي وإصلاح الإدارة باللي، بمناسبة شهر رمضان، غادي يرجع المغرب للساعة القانونية ديالو، يعني توقيت غرينيتش، وذلك مع الثالثة ديال الصباح نهار الأحد 15 فبراير 2026.
وزادت الوزارة وقالت باللي منين يسالي شهر رمضان، غادي تزيد الساعة بستين دقيقة، مع جوج ديال الصباح نهار الأحد 22 مارس 2026، وهاد الشي باش يرجعو يخدمو بالتوقيت المعمول به فباقي شهور السنة.
هاد القرار كيدخل فإطار التدابير اللي كتديرها الحكومة كل عام فرمضان، مراعاة لخصوصية هاد الشهر وتنظيم وقت الخدمة والحياة اليومية ديال المواطنين.
