إلْفوندو / المغرب
رْجع المنتخب المغربي الثقة للجماهير ديالو بعدما ربح زامبيا بثلاثة لزيرو، فآخر ماتش فدور المجموعات ديال كأس إفريقيا للأمم المغرب 2025، وتأهل رسميا لثمن النهائي.
الأسود قدمو أحسن مستوى ليهم منذ بداية البطولة، وردو على الانتقادات اللي جات بعد التعادل مع مالي، والشكوك اللي كانت دايرة على قدرتهم يكملو المشوار ويبقاو ينافسو على الكأس.
بهذا الرباح تصدر المنتخب المغربي المجموعة الأولى بسبع نقاط، بينما تأهل منتخب مالي فالمركز الثاني بثلاث نقاط من بعد التعادل ديالو بلا أهداف مع جزر القمر.
هاد التأهل هو العاشر فمسار المغرب فكأس إفريقيا من أصل 20 مشاركة، وهو الخامس على التوالي فالمرور للدور الثاني، بحيث آخر إقصاء من دور المجموعات كان فنسخة 2013 بجنوب إفريقيا.
