إلْفوندو / المغرب
المديرية العامة للأرصاد الجوية كتتوقع ان المملكة غادي تتأثر بمنخفض جوي غادي يجيب معه جو مغيم وغير مستقر فعدد من المناطق، مع زخات مطرية رعدية فبعض البلايص، وتفاوت فدرجات الحرارة، وحتى تساقطات ثلجية فوق المرتفعات، مع رياح قوية احيانا.
نهار الاحد غادي يدوز بسحب كثيفة فالواجهة المتوسطية والريف والاطلس المتوسط، ومن المرتقب تنزل شتا متفرقة فهاد المناطق. كذلك الاطلس الكبير والرحامنة وداخل الشاوية وتادلة وهضاب الفوسفاط غادي يعرفو زخات رعدية محليا.
المنطقة الشرقية والسايس واولماس والجنوب الشرقي غادي يبقاو بين جو قليل السحب واحيانا مغيم، مع احتمال ثلوج خفيفة فوق قمم الاطلس الكبير. وبالليل ممكن يتشكل الضباب والسحب المنخفضة فالسهول الشمالية والوسطى.
الرياح غادي تكون قوية نسبيا فطنجة والنواحي ديالها، وكذلك فالمنطقة الشرقية والسواحل الوسطى والاقاليم الجنوبية، مع احتمال تطاير الغبار فبعض المناطق.
درجات الحرارة العليا غادي تكون بين 3 و11 درجات فالاطلس والريف، وبين 23 و29 درجة فالجنوب الشرقي وشرق وجنوب الاقاليم الصحراوية.
