إلْفوندو / اسبانيا
توقفت الماتش لي جمعات بين إلتشي وإسبانيول نهار الاحد فاتح مارس 2026، وسالات بتعادل جوج لجوج، بعدما اللاعب المغربي عمر الهلالي اشتكى للحكم بلي تعرض لكلام فيه عنصرية من طرف مهاجم إلتشي رافا مير.
وحسب ما كتبت جريدة ليكيب الفرنسية، الماتش توقف فالدقيقة 78 منين الهلالي مشى عند الحكم وقال ليه بلي رافا مير وجه ليه عبارة فيها إيحاء تمييزي مرتبط بالهجرة. الحكم فعل البروتوكول ديال محاربة العنصرية، وتوقف اللعب تقريبا ثلاثة دقايق قبل ما يرجع يتكمل عادي.
وكيقول تقرير الحكم بلي طاقم التحكيم ما سمعوش العبارة بشكل مباشر، ولكن تسجلات فالتقرير الرسمي ديال الماتش بعد الشكاية ديال اللاعب المغربي.
المقابلة سالات بتعادل 2-2، والمفارقة بلي رافا مير هو لي ماركا هدف التعادل فالدقائق الاخيرة من ضربة جزاء، فماتش بقى فيه الجدل حاضر حتى من بعد صافرة النهاية.
