إلْفوندو / كازا
قررات غرفة الجنايات الابتدائية بمحكمة الاستئناف فكازا، اليوم الخميس، تأجيل النظر فملف الشباب اللي متابعين على خلفية احتجاجات “جيل زيد”، حتى لـ11 يونيو الجاري.
وجا هاد القرار بعدما تبين أن بعض المتهمين كيدوزو امتحانات الباكالوريا اللي انطلقت اليوم، وهو ما خلى المحكمة تأجل الجلسة باش يتمكنو من اجتياز الامتحانات ديالهم.
وكايتابعو فهاد الملف 18 شابا تم توقيفهم من بعد الاحتجاجات اللي عرفاتها الطريق السيار فكازا، فالتحركات اللي كانت دعات ليها مجموعة “جيل زيد 212”، وكيواصل الملف يثير الاهتمام والمتابعة من طرف عدد من المتتبعين والمهتمين بالشأن الحقوقي.
