إلْفوندو / أمريكا
تلقى المنتخب المغربي ضربة ما كانتش فالحسبان بعدما تعرض عبد الصمد الزلزولي لإصابة فالماتش الودي ضد النرويج، اللي سالا بالتعادل هدف لمثلو.
وحسب المعطيات الأولية، فاللاعب ديال ريال بيتيس عندو إصابة فالأربطة ديال الركبة اليمنى، وغادي تبعدو على الميادين ما بين جوج وثلاثة سيمانات، فانتظار فحوصات أخرى باش يتحدد نوع الإصابة بشكل دقيق.
الزلزولي خرج مصاب قبل ما يسالي الشوط الأول، بعدما تعرض لتدخل قوي خلاه ما يقدرش يكمل اللقاء، وهو الشي اللي خلق تخوف داخل الطاقم التقني ديال المنتخب قبل انطلاق كأس العالم 2026.
ويستهل المنتخب المغربي المشاركة ديالو فالمونديال بمواجهة قوية ضد البرازيل نهار 13 يونيو الجاري.
