إلْفوندو / المغرب
كيواصل الدولي المغربي الشاب أيوب بوعدي يجلب اهتمام كبار الأندية الأوروبية، بعدما كشف الصحفي الإيطالي ماتيو موريتو أن نادي مانشستر سيتي دخل بقوة على خط التعاقد مع لاعب وسط ليل الفرنسي، وبدا بالفعل اتصالات مع إدارة النادي باش يشوف إمكانية حسم الصفقة خلال الميركاتو الصيفي.
وجا هاد الاهتمام الكبير بعدما بصم بوعدي، اللي مازال عندو غير 18 عام، على مستويات مميزة بقميص المنتخب الوطني المغربي فكأس العالم 2026، حيث كان من بين أبرز اللاعبين اللي شدو الانتباه، وبيّن باللي كيتوفر على إمكانيات كبيرة رغم صغر سنو.
وحسب التقارير، فمانشستر سيتي ماشي هو الوحيد اللي باغي يضم الموهبة المغربية، بحيث كاينين أندية أوروبية أخرى كاتراقب اللاعب عن قرب، وهو ما غادي يخلي المنافسة على توقيعو تكون قوية خلال فترة الانتقالات الصيفية.
ومن المنتظر أن تتمسك إدارة ليل بخدمات بوعدي، أو على الأقل تطلب مبلغا ماليا كبيرا مقابل التفريط فيه، خصوصا بعدما ارتفعت قيمته السوقية بشكل واضح بفضل تألقه مع النادي والمنتخب المغربي.
