إلْفوندو / اسبانيا
كِيزيد الصراع فإسبانيا على الدولي المغربي عز الدين أوناحي، بعدما دخل نادي ريال بيتيس بقوة على خط المنافسة مع برشلونة، باش يربح خدمات لاعب خط الوسط خلال الميركاتو الصيفي.
وحسب تقارير إعلامية إسبانية، فبرشلونة كيدرس إمكانية التعاقد مع أوناحي، خصوصا إلى غادر الهولندي فرينكي دي يونغ، حيث كيشوف فيه لاعب عندو إمكانيات تقنية كبيرة وثمن مناسب مقارنة مع أسماء أخرى.
ومن جهة أخرى، باين أن ريال بيتيس أكثر جدية فهاد الملف، بعدما بدا كيوجد عرض مهم باش يحسم الصفقة قبل ما يدخل أي منافس آخر، مستغلا رغبته فتعزيز خط وسط الفريق بلاعب عندو تجربة دولية.
ومن المنتظر أن تعرف الأيام الجاية تطورات مهمة فمستقبل أوناحي، اللي رجع اسمو بقوة لسوق الانتقالات، بعدما سبق وربطاتو تقارير ببرشلونة عقب المستوى الكبير اللي قدمو مع المنتخب المغربي فكأس العالم قطر 2022.
