إلْفوندو / المغرب
أعلنت كولومبيا على تحول واضح فالموقف ديالها من قضية الصحراء المغربية، بعدما أكدت بشكل رسمي اعترافها بسيادة المملكة المغربية على أقاليمها الجنوبية.
هاد الموقف الجديد تعلن عليه، أمس الجمعة، خلال لقاء جمع ناصر بوريطة، وزير الشؤون الخارجية والتعاون الإفريقي والمغاربة المقيمين بالخارج، بخوسيه مانويل ريستريبو، نائب رئيس جمهورية كولومبيا، بحضور عمر بولا إسكوبار، وزير العلاقات الخارجية.
وخلال هاد اللقاء، أكد وزير الخارجية الكولومبي بشكل صريح أن بلادو “كتعترف بسيادة المغرب على صحرائه”، وهو الموقف اللي كيعكس تحولا مهما فتعاطي بوغوتا مع ملف الصحراء المغربية.
وكيجي هاد التطور باش يعزز المكاسب الدبلوماسية اللي حققها المغرب خلال السنوات الأخيرة فملف الصحراء، وسط تزايد المواقف الدولية الداعمة للمملكة ولمبادرة الحكم الذاتي كحل للنزاع.
