إلْفوندو / المغرب
حذرات المديرية العامة للأرصاد الجوية من تقلبات جوية قوية، اليوم الأحد 16 غشت 2026، فعدد من مناطق المملكة، مع توقعات بنزول زخات رعدية محليا قوية، مصحوبة بالتبروري وهبات ديال الرياح.
وحسب نشرة إنذارية من مستوى يقظة برتقالي، كمية الشتا المرتقبة غادي تتراوح ما بين 20 و35 ملم، وغادي تهم أقاليم جرادة والدريوش وجرسيف وبركان وتازة وتاوريرت والحسيمة ووجدة أنجاد والناظور.
وهاد التقلبات الجوية غادي تبدا من الواحدة من بعد الزوال، وغادي تستمر حتى للـ11 ديال الليل، وسط تحذيرات من قوة الزخات الرعدية والتبروري وهبات الرياح فبعض المناطق.
