إلْفوندو / طنجة
تمكنت عناصر الكْوارديا سيڤيل بميناء مالقا جنوب اسبانيا يومه الثلاثاء 19 دجنبر 2023، بواسطة كلب حراسة، من ضبط رْموكة مغربية مْشارجية بالخضر، بداخلها طن و370 كيلوغرام من الحشيش، خرجت ليلة الإثنين من مرصى طنجة المتوسط.
عناصر الكْوارديا سيڤيل اعتقلت على الفور شيفور الرْموكة وهو مغربي، من أجل التحقيق معه ومعرفة وِجهة الرْموكة والمستودع لي كانت غادي تفرغ فيه البضاعة.
هاد الرموكة دوزت عدة باراجات التفتيش بميناء طنجة المتوسط قبل ما تدخل للباخرة المتوجهة نحو ميناء مالاقا، أصعب هاد الباراجات هو جهاز السْكانير لي مْكلفين به عناصر من البوليس والديوانة، ولْمفروض أنها مُحَنَّكة وصعيب تدوز عليها دْبانة فما بالكم بأكثر من طن ديال الحْشيش، إذن كيفاش دازت هاد الرْموكة؟
