إلْفوندو / تطوان
كتعيش مدينة تطوان حالة ترقب كبيرة مع انتظار حلول جلالة الملك فالساعات القليلة الجاية، فزيارة خاصة كيرتقب تحمل معاها مجموعة ديال المستجدات المهمة بالنسبة للمنطقة.
وحسب مصادر “إلْفوندو”، فالزيارة الملكية المرتقبة ممكن تكون عندها انعكاسات على مستوى التدبير الجهوي بالشمال، خاصة فظل التأخر اللي عرفاتو بزاف ديال المشاريع التنموية والسياحية اللي كان معول عليها باش تعطي دفعة جديدة للجهة.
وزادت المصادر أن مدن الشمال، وعلى رأسها طنجة وتطوان والمدن اللي حداهم، ولات كتعاني من تراجع فعدة واجهات مقارنة مع السنوات اللي فاتت، بعدما كانت من أكثر المناطق حيوية واستقطابا للاستثمارات والمشاريع الكبرى، وهو الشي اللي خلا الاهتمام يتركز على هاد الزيارة والرسائل اللي ممكن تحملها للفاعلين والمسؤولين فالمنطقة
