إلْفوندو / تطوان
المعارضة فالمجلس الجماعي ديال تطوان خرجات هاد الأيام وطالبت المجلس الجهوي للحسابات يفتحص كيفاش كيتصرفو فلوس الدعم اللي كيمشي لنادي المغرب التطواني، خصوصا وأن الجماعة صادقات فدورة استثنائية على تحويل 800 مليون سنتيم باش الفريق يخرج من أزمته ويسوي النزاعات العالقة.
أصوات فالأغلبية شافت القرار إيجابي، لكن المعارضة شددت أن أي درهم من المال العام خاصو يكون مربوط بالنتائج وببرنامج واضح يخدم جميع الفئات والرياضات، ماشي غير الفريق الأول ولا لمصالح انتخابية.
من جهة أخرى، كاين اللي كيدفع فالاتجاه ديال عودة عبد المالك أبرون لرئاسة الماط، بحكم التجربة والنجاحات اللي حققها من قبل، وسط دعوات للشفافية فالتعاقدات وتحديد الأهداف، وقطع الطريق قدام الاستغلال السياسي للرياضة.
