إلْفوندو / تطوان
بْدات مصالح جماعة تطوان بدات مؤخرا كتتحرك بسبب الشكايات اللي كتوصلها على الضوضاء والفوضى اللي كيديروها بعض قاعات الحفلات فعدد من أحياء المدينة، وبدات كتوجه إنذارات لأصحاب القاعات اللي ما كيلتازموش بشروط الرخص ديالهم.
مصادر مطلعة قالت أن بزاف ديال الناس اللي كيتابعو الشأن المحلي فمدينة تطوان شافو أن هاد التحرك جا متأخر، حيث الخروقات بقات كاتزيد بلا مراقبة، لكن الجماعة كتأكد أنها كتتعامل مع الشكايات بسرعة وبحسب القانون، وأن العقوبات ممكن توصل حتى لسحب الرخصة فحالة تكرار المخالفات.
المشكل ماشي غير فـ تطوان، حتى فـ مدن الشمال بحال المضيق ومرتيل والفنيدق كيتشكاو الناس من الموسيقى العالية والمفرقعات والسيارات اللي كيديرو الفوضى حتى للساعات الأولى ديال الصباح، الشي اللي كيزعج السكان وكيأثر على راحتهم ونومهم.
هاد السكان طالبو السلطات تكون صارمة وتفرض احترام التوقيت، خصوصا فـ الصيف، وتمنع الضوضاء بعد منتصف الليل باش الناس يقدرو يرتاحو ويعيشو فظروف عادية.
