إلْفوندو / الرباط
اعرب ربان المنتخب الزامبي موزيس سيشوني عن الحماس الكبير ديالو قبل الماتش المرتقب قدام المنتخب المغربي غدا الاثنين، فآخر جولة من دور المجموعات لكأس أمم أفريقيا اللي كتتلعب فالمغرب، وأكد باللي الفريق ديالو واع بصعوبة المواجهة ولكن واجد ليها.
وقال سيشوني فالتصريح ديالو فالندوة الصحفية اليوم بالرباط باللي الأجواء داخل المعسكر الزامبي زوينة وكاينة رغبة كبيرة فالتحدي، مضيفا باللي اللعب قدام منتخب كيلعب فأرضو وبين جماهيرو اللي كتعتبر اللاعب رقم 12 ماشي ساهل، ولكن هاد النوع ديال الماتشات هو اللي كيقلبو عليه اللاعبين.
وأضاف مدرب زامبيا باللي التعادل خلى المجموعة معقدة أكثر، ومكاينش مجال باش يستناو نتائج الآخرين ولا يتسناو هدايا، وشدد على أن الحسم خاص يكون بيد اللاعبين فوق أرضية الميدان وبالإرادة والتركيز.
