إلْفوندو / الرباط
تأهل المنتخب المغربي لنهائي كاس امم افريقيا بعدما ربح ماتش النصف النهائي قدام نيجيريا بضربات الترجيح 4–2، فالمقابلة اللي تلعبات فملعب الامير مولاي عبد الله فالرباط.
الماتش سالا فالتوقيت الاصلي والاضافي بالتعادل السلبي، فمواجهة كانت متكافئة وحذرة من الجانبين، قبل ما يحسمها الحارس ياسين بونو اللي تألق وتصدى لجوج ضربات ترجيح.
بونو كان نجم اللقاء وقاد اسود الاطلس لتأهل تاريخي وسط دعم جماهيري كبير حتى اخر دقيقة.
فالنهائي، المنتخب المغربي غادي يواجه منتخب السنغال اللي تأهل بدوره بعد ما ربح منتخب مصر بهدف بلا مقابل.
الفينال غادي يتلعب نهار الاحد 18 من هاد الشهر، فملعب الامير مولاي عبد الله فالرباط.
