إلْفوندو / الرباط
رجعات من جديد قضية تصنيف المغاربة فالمركز الثاني ضمن الأجانب اللي كيشريو العقار فإسبانيا تثير النقاش فمدن الشمال، خصوصا فطنجة وتطوان، على شكون هما هاد الناس وشنو الخلفيات ديالهم.
وكايدور الهضرة بزاف فالكواليس وفـ”الصالونات المغلقة” فعروس الشمال والحمامة البيضاء، بلي كاين سياسيين ومنتخبين، حتى بعض رؤساء الجماعات ومستشارين جماعيين، عندهم أملاك وعقارات فإسبانيا، وكاين اللي شراها بأسماء ديال الزوجات ولا شي أفراد من العائلة باش يبعد الشبهة وما يبانوش فالصورة.
وحسب جريدة هيسبريس الاكترونية، فهاد اللائحة ماشي غير مقتصرة على السياسيين، بل حتى موظفين وأطباء ومهندسين داخلين فيها، حيث كاين بزاف ديال العائلات اللي ولات كتفضل دوز العطلة الصيفية ديالها فمدن الجنوب الإسباني، خصوصا المناطق الساحلية اللي ولات قبلة للمغاربة.
