إلْفوندو / المغرب
بدا الدولي المغربي عز الدين أوناحي كيجلب اهتمام عدد من الأندية الإسبانية مع اقتراب الميركاتو الصيفي، بعدما ولى من بين الأسماء المطلوبة فـ”الليغا”، خصوصا فظل الغموض اللي كايحيط بمستقبلو مع جيرونا.
وحسب تقارير إعلامية إسبانية، فإن أتلتيكو مدريد وفياريال كيتابعو اللاعب المغربي عن قرب، وكيشوفو فيه إضافة مهمة لخط الوسط، بالنظر للإمكانيات التقنية اللي كيتوفر عليها وقدرتو على صناعة اللعب والربط بين الخطوط.
وكيبان أن فياريال هو الأكثر اهتماما بخدمات أوناحي، حيث باغي يعزز التركيبة البشرية ديالو بلاعب قادر يخلق الفارق وسط الميدان ويعطي حلول هجومية متنوعة، وهي المواصفات اللي خلات مسؤولي النادي يحطوه ضمن أولوياتهم فهاد الصيف.
ورغم أن الشرط الجزائي فالعقد ديال أوناحي كيوصل لحوالي 20 مليون أورو، إلا أن وضعية جيرونا الحالية قد تفتح الباب أمام مفاوضات بأرقام أقل، خصوصا إذا قرر النادي إعادة ترتيب أوراقه المالية والرياضية استعدادا للمنافسة على العودة السريعة للقسم الأول.
ومن المنتظر أن تعرف الأسابيع المقبلة تطورات جديدة فملف اللاعب المغربي، اللي مازال كيبقى واحد من أبرز الأسماء اللي كتثير الاهتمام فالسوق الإسبانية.
