إلْفوندو / المغرب
فضيحة كبيرة كتفجّر فملف غسل أموال المخدرات، بعدما توصلات الهيأة الوطنية للمعلومات المالية بإشعار من إسبانيا كيهم تحويلات مالية ضخمة جاية من بارونات مخدرات نحو رجال أعمال مغاربة.
المعطيات الأولية كتشير بلي شركات مغربية كانت كتدير معاملات تجارية صورية مع شبكات إجرامية، بقيمة فاقت 600 مليون أورو فمدة قصيرة، وهاد العمليات كانت غير غطاء باش يتم تبييض الفلوس عبر فواتير مضخمة وتصريحات ضريبية مزورة.
التحقيقات بيّنت حتى أن بزاف ديال هاد الشركات مجرد واجهات، كتستعمل النشاط التجاري كستار باش تدخل أموال غير مشروعة فالدورة الاقتصادية، ومن بعد كتخرجها للخارج عبر عمليات تصدير وهمية نحو حسابات فملاذات ضريبية.
الأبحاث مازال خدامة بتنسيق مع سلطات أوروبية، وتم اتخاذ قرار بمنع المعنيين من السفر حتى تكمل التحقيقات، مع تتبع دقيق لكل العلاقات والأنشطة ديالهم داخل المغرب وخارجه.
