إلْفوندو / الرباط
من بعد الحكم اللي خرج وبرّأ محمد السيمو، خرجات بنتو البرلمانية زينب السيمو وهدرت لأول مرة على داك المرحلة اللي دازت عليهم، وقالت باللي كانت فترة قاصحة بزاف عليها وعلى عائلتها.
زينب كتبت ففايسبوك باللي تعرّضات لهجوم كبير وكلام خايب بحال “بنت الفاسد” و“بنت الشفار”، وهادشي خلاها نفسياً تتأثر وتفكر حتى تبعد من السياسة، حيث كانت كتعيش ضغط من نظرات الناس والأحكام الجاهزة.
وأكدات باللي الصبر والثقة فالدولة هما اللي وقفوا معاها حتى دازت هاد المحنة، وقالت باللي فالأخير الحق بان، وعبّرات على الفرحة ديالها حيث باباها خدا البراءة ورجع راسو مرفوع.
