إلْفوندو / طنجة
وسط الأسبوع الجاري فطنجة، وقع شجار سخون شدّ الأنظار، بطلو نائب عمدة سابق وخاه، بعدما تلاقاو مع 3 ديال الأشخاص من نفس العائلة فواحد النقاش لي كان فالأول عادي، ولكن سرعان ما تزاد فيه التوتر.
المعطيات لي كتوصلات بها “إلْفوندو” كتشير بلي هاد الأشخاص جاو كيطالبوهم يرجّعو ليهم فلوس كتفوت 100 مليون وشي طوموبيل من نوع تيكوان، ومع السخونية ديال الهضرة، تبدل الجو ودخلات الأمور فالعنف، وولات بحال حلبة ديال الملاكمة، كْلا فيها النائب السابق وشقيقه سلخة ديال الدقْ.
وفالأخير، سالات الواقعة بالتوجّه للپيرمانونس فالدائرة الأمنية، فين تْعملت المحاضر وبدا البحث فحيثيات هاد القضية.
