إلْفوندو / وزان
توصلو لاتفاق يقضي بصرف الأجور العالقة ديال عمال النظافة بمدينة وزان، فمحاولة لاحتواء الأزمة الاجتماعية والبيئية اللي تفاقمات خلال الأيام الأخيرة، بعدما عرفات عدد من الأحياء تراكم كبير ديال الأزبال بسبب احتجاجات العمال على تأخر صرف المستحقات ديالهم.
وجا هاد التطور فظل وضع متوتر داخل القطاع، وسط ربط عدد من المتتبعين بين مشاكل التدبير والضغط الاجتماعي اللي كيعانيو منو العمال، والتأثير المباشر ديال هاد الشي على خدمات النظافة بالمدينة.
وحسب مصدر محلي، فالأزمة الحالية كتبين بالواضح الهشاشة اللي كيعرفها نموذج تدبير قطاع النظافة فعدد من الجماعات، بحيث كاتولي الصفقات والخلافات المرتبطة بها مصدر توتر دائم، والضحية الأولى كيبقى هو المواطن وجودة الخدمات الأساسية.
