إلْفوندو / الرباط
أعلنت اتصالات المغرب على انطلاق الدورة 22 ديال مهرجان الشواطئ، اللي غادي يتنظم من 20 يوليوز حتى لـ21 غشت، بكل من طنجة والمضيق والحسيمة والسعيدية.
وحسب البلاغ ديال الشركة، فهاد الدورة غادي تعرف تنظيم قرابة 60 سهرة فنية مجانية، فوق منصات مجهزة بأحدث التجهيزات التقنية، باش الجمهور يستمتع بالعروض فظروف مزيانة.
وأكدت اتصالات المغرب أن المهرجان كيدخل ضمن التزامها بدعم الثقافة وتقريب الفن من المواطنين، من خلال برمجة كوكبة من أشهر الفنانين المغاربة والعرب، اللي غادي يحييو سهرات متنوعة طيلة فترة المهرجان.
وغادي يكون الجمهور على موعد مع ألوان موسيقية مختلفة، من بينها الراب والهيب هوب، والعيطة، والشعبي، والأغنية المغربية العصرية، والراي، والركادة، والبوب العربي، والأغنية المشرقية، إضافة إلى عروض ديال فرق فلكلورية ومحلية، فاحتفال كيعكس التنوع والغنى ديال الموسيقى المغربية والعربية.
